شباب و تاه منه الطريق
و كأنهم فرقة في فريق
و حلمهم صبح غريق
هانت عليهم فرقة الصديق
فردوا الكفن والموت بريق
لامع جواه دفاتر التحقيق
مين اللي مات ودمه سال
في عيونهم ميت مليون سؤال
مين اللي قال البخت مال
مين اللي قتل فينا الآمال
ليه نتوه وجوانا ألف احتمال
يمكن يكون منكم شلة ضلال
يشعلوا في قلب كان حمال
كلمة تهزك كما الزلزال
لحظة خنوع يا أبطال
انتوا الأمل فرحكم حلال
انت الحبيب اللي ليله طال
دندنت مع البلبل كام موال
كتبت على ورق الشجر كام مقال
قرأت لك قصائد الدلال
لكن غضبت من القيل و القال
وجه نظراتك للأمام مرتاح البال
الدم سال
والندل قال
فسق ونميمة عالعروسة
اللي مالبست توبها الأبيض
رغم الطهارة و الاجتهاد
مرمغوا بيها الرماد
والروح عند بارئها
وقلوب الطيبين اعلنوا الحداد
اللي يعرفها واللي يجهلها
لكنها روح شهيدة
وربك العالم بالعباد
(((أسامه جديانه)))
ليست هناك تعليقات:
إرسال تعليق