🌿🌿🌿🌿🌿 عجبي عليك يا زمن 🌿🌿🌿🌿🌿
عايشين معاك في أنين
كل اللي عندك تعب
ماشين بقلب حزين
تايهين وحالك عجب
من كل شيء خايفين
طاب قولي إيه السبب
ضيعت أحلى سنين
والصبر عدى وهرب
بس احنا مش ناسيين
وملينا كل الكتب
أشعار كتير . دواوين
واللي في أيدينا . الأدب
ذكرانا للملايين
لو لينا عندك طلب
🌿 ممكن يا سيدي تلين 🌿
ندعي ونقول يارب
دايما علينا حنين
دنيا وأخرها تراب
اجعلنا من الأمنين
افتحلنا الأبواب
جوانا شوق ويقين
انك غفور تواب
حكمك . وبيه راضيين
وإجعلنا من الأحباب
واحسن ختامنا يارب . ندعي ونقول آمين
🌿🌿🌿🌿🌿🌿🌿🌿🌿🌿🌿🌿
اللهم لا إله إلا أنت سبحانك خلقتني وأنا عبدك وأنا على عهدك
ووعدك ما استطعت أبوء لك بنعمتك على وأبوء بذنبي فاغفر
لي فإنه لا يغفر الذنوب والخطايا إلا أنت اللهم بارك لنا في
أنفسنا وفي أهلنا وفي قلوبنا وقنا شرور خلقك أجمعين
شادوليات
شاذلي محمد عبدالرحمن حسين.
ليست هناك تعليقات:
إرسال تعليق