• مش كل الدهب *
• بقلم/ عماااد الأبنودي
•••••••••••••••••••••
اوعاك ترخص ............!
في عيون رخيص
مايستهلكش
أو تنحني ............
قصاد وضيع احساسه
ميت ما يحبكش
إتعلم دا الزمن دوار
هتقابل الخاين و الخسيس
و الدايرة تلف باستمرار
تكشفلك معدن الرخيص
بلاش تخدعك المظاهر
و تصدم ف حيط خرسان
مش كل الدهب جواهر
ياما فيه دهب بهتااااان
مشكلتك قلبك الحنين
ملهاش ف لوع الألوان
بتعاملهم بنية صافيه
و يسيبوا ليك الأحزان
ماتستعجبش و قضيها لحالك
وفر العتاب و اسحب كلامك
كفايه اللي خدته من عذابهم
يكفي معاك سنين قدامك
ومالو لو اتوجعت ويا نفسك
غيرك داق مرار الحنضل
إقفل كل بيبان نفسك
يجوز تنفد كده بجلدك
حزن ف حزن الوضع عادي
دي الحياة مليانة دروس
مفيش اللي فاكرك و داري
اكتم وجعك يالا و دوس
بقلم / عمااد الأبنودي
12 . 7 . 2022
ليست هناك تعليقات:
إرسال تعليق