& من فوق سطوح الفقر & بقلم الشاعر : شاذلي محمد عبد الرحمن

 ●●●●● من فوق سطوح الفقر ●●●●●

                       من فوق سطوح الفقر 

                          هل الهلال واخري

                        يصرخ بأعلى الصوت

                           يا دنيا . إتاخري

                         سيبي المكان للضي

                          خلي الأمل يجري

                           فكي رباط الهم

                         نفسي أعيش عمري

                         ما تخلي عندك دم

                         هاتي الأمان. حني

                          فاردة شراع الغم

                          والدفة بيه تسري

                          ولا حد بيه اهتم

                         أصل الجميل فقري

                         ملعون يا زمن الهم

                          خلى الفقير مهري

                            كل الجراح بتلم

                           وجراحه ما بتدري

                           ملهاش عدد ولا كم

                            ولا حد بيه معني

                           ويا دنيا مال الحلم

                             شايل معاه فقري

                      ●●●●●●●●●●

    طفل فقد والده وانقطعت عنهم الكهرباء صعد إلى سطح 

            المنزل ليذاكر دروسه على ضوء عامود النور 

                                  شادوليات 

                   شاذلي محمد عبدالرحمن حسين.