أحلام عاشق
=====
خايف أكون أنا العاشق بلا أحلام بلا ندمان
وأملا الكون سراب كاذب من الأوهام ومن الأحزان
وأنت ياأملي مش داري بشوق قلبي غرام وحنان
كل رمش من عينك بيجرحني كأنه سهام من النيران
أمتى بس حتحني ونتلاقى فى اى زمان
ساعتها حشوف الكون زاهر والورود الوان
جايز اكون انا بحلم وماشي في سكه التوهان
قوليلي اكمل المشوار ؟؟ولا دي سكه النسيان؟؟
وانا عمري ياعمري في حبك مش حكون ندمان
حعيش في الحلم واملى نتلاقى في اى مكان
حتوه من نظرة عنيكي وانسى اسمي والعنوان
بس انتي رقي وجاوبيني وبادليني ده انا انسان..
مصطفى عبد النبى
ليست هناك تعليقات:
إرسال تعليق