♕ فات الأربعين ♕ بقلم الشاعر : جمعه الجر

 .. فات الأربعين.. 

فات الأربعين.. 

ولسه عقلى رافض.. 

إنك مش هترجع تانى... 

وانى مش هشوفك.. 

ولا حتى هسمع صوتك.. 

واخدك فى احضانى... 

كنت اما اقول ياسعد.. 

على طول تقول شبيك.. 

أأمر يابويا داانا.. 

طول عمرى رهن أديك.. 

افرح واقول ربنا.. 

هدانى يابنى بيك.. 

لجل ماتبقى السند.. 

إن شبت يوم القيك.. 

فى ضهرى واقف وتد.. 

ولا عمرك بتعصانى... 

ضهرى فى بعدك مال.. 

وانحنى عودى.. 

تايه شريد البال.. 

لامعنى لوجودى.. 

كنت الونيس والخل.. 

العقل تاه واختل.. 

معقوله تنسانى... 

مستنى المح طيفك.. 

مشتاق ونفسى اشوفك.. 

لو ليا خاطر عندك.. 

ماتفتنى وحدانى... 

          جمعه الجر