♕ الحلم ♕ بقلم الشاعر : جمعه الجر

 الحلم.. 

لما جانى ابوك فى الحلم.. 

قولت جى اكيد عشانى... 

أتاخرت عليه شويه.. 

ماهو برضو ياسعد بيستنانى... 

نظرة عنيه ماكنتش ليا.. 

ولا حتى ياسعد لأخونا التانى... 

نظرة عنيه مليانه مكر.. 

كان قاصدك انت ياابن عمرى.. 

وانا عمرى ياابنى ما كنت اسيبك.. 

لوحتى كان تمنها عمرى.. 

خدتك فى حضنى واديته ضهرى.. 

ابتسم وراح ماشى دوغرى.. 

يادوب غمضت عينى.. 

نمت ياابنى غصب عنى.. 

صحيت لقيته واخدك فى حضنه.. 

صرخت قولت حبيبى ياابنى.. 

قاللى مش هتشوفه تانى... 

معقول أبونا يكون انانى... 

مارحمشى ليه ضعفى وسنى.. 

طب حتى كان سابك عشانى... 

لما اموت انت تشيلنى.. 

وفى البيت ياسعد تكون مكانى... 

          جمعه الجر