وديني لزمانك
***********
بقلمي/ السيد عطاالله
حنيت يا جدي لزمانك
شيلني وديني مكانك
الله يرحم بركة أيامك
زمن الناس الطيبين
شيلني وديني السوق
نشتري شوية ذوق
عاوز انسى و افوق
وديني متسألش فين
وديني لزمن الشهامه
مفيش عليه أي ملامه
سكتك سكة السلامه
بترجاك بدموع العين
اشتري شوية ضمير
اوزن كمان شوية خير
اسقيني ميه من الزير
فطير ريحته ياسمين
وديني مش هاتندم
بضلة شجره اتنعم
ستي تضحك تتبسم
الله يرحم كل الميتين
كلمات السيد عطاالله ٠
ليست هناك تعليقات:
إرسال تعليق