فى السما ( من شعر العامية المصرية )
==============
فى السما صورتك بتبكى وحدها
لما الغيوم يملا العيون بحزنها
ومن عينيكى كل حبات المطر
تنزل على قلبى اللى مالفرقه إنكسر
لحظة فرح
رجع الربيع يفتح لنا
أبواب كتير ملهاش عدد
قلبى إنشرح
لما إلتقيت حبى أنا
من تانى راجع يتولد
وفى السما صورتك معايا بتبتسم
والشمس بتغطى النهار بعد العدم
ومن عنيكى الحب ينده للى غاب
يجرى يسابق فرحته يطوى العذاب
لحظة فرح
رجع الربيع يفتح لنا
أبواب كتير ملهاش عدد
قلبى إنشرح
لما إلتقيت حبى أنا
من تانى راجع يتولد
ياللى فى عنيكى الدموع صرخت بآه
لازم يعود قلبى اللى حبك للحياه
وفى السما جات نجمتين والليل ظهر
يزفوا قلب بفرحتين على القمر
لحظة فرح
رجع الربيع يفتح لنا
أبواب كتير ملهاش عدد
قلبى إنشرح
لما إلتقيت حبى أنا
من تانى راجع يتولد
********************
اشعار/ ايمن الشهابى
مصر
من ديوان أغانى الحب والالم
ليست هناك تعليقات:
إرسال تعليق