جوه الصورة .....
جوه الصورة
حكاية غريبة
مش مرسومة
و حاجة كبيرة
مش مفهومة
بيني و بينك
روح موصولة
لغة مش مسموعة
لكن محسوسة
بيني و بينك
حاجة مكتوبة
جوه السراديب
المقفولة
أو تعويذة
بتفرض روحها
جوه جروحنا
ترجع أحلامنا
المنهوبة
أصل ما بينا
جذور ممدودة
مهما بعدنا بترجعنا
و تكتب لينا
بداية جديدة
و إن يوم متنا
هتفضل روحنا
جوه حروفنا
حكاية أكيدة
و أوعاك تنسى
إن أنا مرسى
لمركب تايهة
جوه المينا
أوع تفكر
يوم و تعكر
إللي ما بينا
أو تنهيه
خلي الصورة
دايما محفورة
جوه قلوبنا
لابسة خضار
تهاني بركات ١٠ / ١١ / ٢٠٢٢
ليست هناك تعليقات:
إرسال تعليق