أهل فاس (2)
نبدأ بحسن الكلام،
التحية والسلام.
حب اهل فاس لا يقاوم ،
الضيافة تجيب لك التمام.
تزغرده كيف رئوية الهلال،
بقولوا ليك مرحب بالغزال.
كاس ديال الحليب وثمرة،
الشاي عامر نص تعمره.
تبدأ بتغسيلة في الحمام،
لبسولك قميص على القوام.
في الغداء كتف الغنمي محمر،
والطيحان بالكفتة معمر.
الشلاضة أنواع مشكلة،
الشابلة مشرملة،
تأكلها طجين، او مع الحوت مقلين.
في وسط النهار الشاي،
مع دواز آتاي.
الفقاس وغريبة الفاسية،
والشبكية الفلالية.
مع العشا قبل ما تمشى،
زلاقة الحريرة بالنشا.
العشاء خفيف وظريف،
ما يتقلوا على الضيف.
الفطور كله فشور،
الخليع بالبيض وكباب مغدور،
تأكله وترجع تدور.
الفطور لخليع هو لأساس،
تأكله كل يوم ما يطلع في الراس.
كلينا وشربنا مع اهل فاس،
ندير لمعاملتهم لقياس،
نقولو احسن ناس،
و الكل في فاس.
مصطفى بلغيثي علوي
Le 11/02/2021 TDR
ليست هناك تعليقات:
إرسال تعليق