( ما تقول ياقلبي )
ماتقولي ياقلبي مالك
مهموم ومتغير حالك
إحكيلي إيه جرالك
من الحب وم الغرام
♤♡♤♡♤♡♤♡
بعت مشاعرك بكام
وعيشت عمرك مُلام
لساك ناقص علام
وشمت فيك عُزالك
♤♡♤♡♤♡♤♡
بقيت لعبة ف إيديهم
خدعوك الله يجازيهم
وباعوك وأنت شاريهم
ونسيوا إن الظلم حرام
♤♡♤♡♤♡♤♡
طول عمرك طيب وخايب
لا بتحرص ولا بتحاسب
فاكر كل الناس حبايب
وأخرتها باعوك بكام
♤♡♤♡♤♡♤♡
قولي عاللي صابك
جرحوك أعز أحبابك
وفرحم بسنين عذابك
وفاتوك ياقلبي حزين
♤♡♤♡♤♡♤♡
ما طلبتش غير الحنية
ساقوك مر وآسية
ظلموك يا نن عينيا
وطلعم ناس خاينين
♤♡♤♡♤♡♤♡
صحصح وكفاية طيبة
الطيبة في زمانا عيبة
هتقابل ناس غريبة
وكأنهم مش بني آدمين
♤♡♤♡♤♡♤♡
ما تقول ياقلبي
( أغنية شعبية )
بقلمي/ وحيد محروس خليل
ليست هناك تعليقات:
إرسال تعليق