طبلية أمي
طبلية امي ياطبلية
فاكر ايامك مانسيت
فين ايامك يا غاليه
كنا حواليكي في البيت
عليكي ياما فطرت واتغديت
كان علي راسك ست البيت
امي الحاجه وتحل بركتها
مهما يكون نوع طبيخها
الطعم شهد بالستر ونفسها
تفرق النايب بميزان أيدها
لو الف بركتها تكفي وتزيد
كنا كتير تقولش مربيه كتاكيت
سبعه اخوات معاهم اتربيت
وابونا معانا قانون ودستور
طبليتنا عمرانه وبيت مستور
ببركة ربي الكل مسرور
ياطبلية امي ليكي حنيت
ولفرحة امي بعيال البيت
وضحك ابويا ساعة صفا
وجديته يأمرنا بالصلاه بشخيط
وحضن امي كله دفي
بتقولي صلي طالما اتخضيت
ابوك عايزك أمام البيت
من بعده تبقي تاخد صفته
راجل لإخوانك وامك برده
كبرت وراح وراحت بعده
وطبليتها مروكونه ع الحيط
البركه والسند سابو البيت
وفضلت انا فاكر مانسيت
دنياااااا
سامح عزب
ليست هناك تعليقات:
إرسال تعليق