فدان أمل...
ما تيجي نصالح الواقع
و نرضى بالمكتوب
و نخف شوية في ذنوبنا
و نرجع بقى و نتوب
و نعمل زي أجدادنا
و نرمي ف البحر أوجاعنا
و نزرع من الأمل فدان
نعيش الحلو على كيفه
و نزرع في القلوب طيفه
نغني للحياة شوية
و جوانا يقين بالله
أكيد يعني هيرزقنا
زي النملة في جحورها
و هيداوي أوجعانا
و يكرمنا و يجبرنا
و اللي علينا يا أحبابنا
نسلم أمرنا لله
بنصبح نجري على قوتنا
و كل الهم على بطونا
بنشكي ليه في أيامنا
و بنشكي لمين اللي خالقنا
كفاية مررنا دنيتنا
و نسينا الأصل في وجودنا
نسينا يا خلق عبادة الله
لا مسكنا كتاب الله
و لا قولنا بعون الله
أحوالنا هتتبدل
و حياتنا هتتحسن
لو عشنا بذكر الله....
تهاني بركات ٢٨ / ٢ / ٢٠٢٣
ليست هناك تعليقات:
إرسال تعليق