(( ونسينا ياقلبي ))
شعبية
ونسينا ياقلبي إنسينا
إن أحنا كنا حبايب
وعلى بعض يادنيا قِسينا
والله يا دنيا عجايب
**********
كان بينضرب بينا المثل
وكنا أحلى أتنين عاشقين
وطول عمرنا سمن على عسل
وحكاية غرام ما شافتها عين
**********
إيه إللي فرقنا وغير أحوالنا
دا البعد كان أصعب قرار
ومين السبب في إللي جرالنا
وخلا الحياة هجر ومرار
**********
وليه زمانا لعب بينا
وبقينا في الحب ضحايا
أستكتر الفرحة علينا
ودارت على قلوبنا رحايا
**********
عين الحسود مش سيبانا
يكفيكم ياناس شر العين
دي الفرحة ماتت جوانا
والجرح جوا القلب دفين
**********
عايشين وما بيدنا حيلة
وهنقول لمين ومين يسمع
وعيون السمرة حلوة كحيلة
أصل الفراق في القلب بيوجع
**********
ونسينا ياقلبي
د/ وحيد محروس خليل
( فارس القلم الحزين )
ليست هناك تعليقات:
إرسال تعليق