كله يهون
________
مساكين ورابطين م الأسى عقولنا
متشدقين بالنسمة كل صباح
متغرغرين شاقين لريقنا بحلم
والحلم باش ممكن يبل الريق
نازعين كلام من وسط كتمة روح
صارخين ولكن وسعة فضا بتضيق
صمم الودان جايز أكيد م الصوت
مكتوب هموت والقطر واقف ليه
حياة سنين أو شهر أو كام يوم
تصعد نجوم والشمس تلفحها
وسنين تفوت ماشية الحياة بتدور
وحاجات بقلبي واقفة مطرحها
هم السنين تقيل وله كام لون
لكن الجميل في الأمر إنه يهون
حلو الكلام طعم الرضا ساري
ساكن بحلق الحب مدارى
لا بان له صوت ومصبر المواضيع
كبران وشايخ رغم إنه رضيع
هاوي السكات عاشق ليوم العيد
والعيد سعيد باقيله كدا كام يوم
والعيد سعيد باقيله كدا كام يوم
بقلم/وافي إسماعيل الشلبي
ليست هناك تعليقات:
إرسال تعليق