نفس وشيطان و إغراء
يارب أستر علينا
ماضل عفة ولا حياء
كلو بفعل إيدينا
ومن الألف حتى الياء
ذنوبنا عم تمشي فينا
....
يا قلوبنا حاجتنا غل
خلِّي عنَّا كرامة
لا تِمْرغي نبضك بالذُل
حتى تضلي بسلامة
والفرحة خليها تطل
فيها تبشر عينينا
.......
القلب الطيب ما بينباع
ما بيحمل كره وأحقاد
لو ضميرك منك ضاع
إصحى ولا تزيد العناد
خلي عمرك بالمطاع
بتهل الرحمة علينا
.........
نحنا إخوة يا إنسان
والخواطر نجبرها
علمنا الحب القرآن
وكيف الأخطاء نسترها
حطَّلنا الرحمة العنوان
مهما صمنا وصلينا
.......
لاتقولوا عُطل الزمان
الزمان ما تغير ياناس
التوقيت نفسه/و/ والمكان
بس عَنَّا تنأى الإحساس
صرنا نرمي هالزمان
الإخلاص عنُّه/و/تخلينا
يابَيِّ و جِدْ الأجداد
ضيعنا كل العادات
الاولاد وكل الأحفاد
ضاعت منهم هالحياة
الحب بينقص ما بيزداد
ضيعنا كلشي بإيدينا
.........
عثمان الأقرع سوريا
ليست هناك تعليقات:
إرسال تعليق