(( ما تقولش حاجة ))
رومانسية
أديب د/ وحيد محروس خليل
ماتقولش حاجة
عنيك حبيبي قالوا
كل الكلام ......
خلاص مش محتاجة
بُعد وفراق ياحبيبي
أو هجر وخصام ......
عنيك السود شاغلوني
وعيون قلبك خطفوني
لدنيا العشاق وخدوني
وحبك ليا أحلى غرام .....
بقى كل منايا في الدنيا
ما أبعد عنك لو ثانية
العيشة معاك حاجة تانية
وعايش أنا في الأحلام .....
الله على طيبة قلبك
أنا بكل مشاعري بحبك
ومنايا أني أفضل جنبك
شوف فرحتي تسوى كام ......
أنا عيشت معاك أفراحي
وقلبك سمايا وبراحي
ونسيت أنا كل جراحي
الله ع الهوى ياسلام ......
ماتقولش حاجة
أديب د/ وحيد محروس خليل
ليست هناك تعليقات:
إرسال تعليق