أول يوم في الدراسه
شايل الشنطه وماشي لوحدي
ودمع عيونى هيا دي صحبى
كان نفسي اشوفك ياأمه معايا
كفك ياأمه يحضن كفى
ايوه صوتك لسه فى ودنى
وانتي تقولى أتعلم يابنى
دلوقت ياأمى أنا مكتب أسمى
وحفظت الفاتحه فى القرآن
لكن بعدك ياما ألمنى
وعلمني بعدك ياما معدش حنان
دمع العالم كله دموعي
سواقى ياأمى بتروى غطانى
وانا مدعيلك كل ركوعى
يجعل قبرك ياأمى جنان
وأنتى معايا كنت أنا بصحى
على ضحكة فجر للعصافير
دلوقت ياأمى منعس واصحى
فى سجن الحزانى يامه أسير
حزني يكفي جميع الناس
ودمعى يملأ سد السوان
مسأل قبرك كيف الحال
خبرها ياقبر خابره جلال
واللا سكنت كهف النسيان
خبرها ياقبر متوحش ليها
عندي كلام كتير أنا ليها
نفسي أقبل من تانى أيديها
وترجع زهره في البستان
حطم حزني كل طموحى
لكن ساب لى ذكرى جميله
ساب لى صورتك في الوجدان
ياللى كنتي نبض فؤادى
يطويكى ربي بالغفران
#جلال الدين ابوالليل
ليست هناك تعليقات:
إرسال تعليق