جودات جفال
يمّا
يَمّا الجَنّي فَتْحِتِ بْوَابا
وفْلَسْطينْ يَمّا زفّتْ شَبابا
يا رايحْ وَينْ دَرْبَكْ
خذني مِعَكْ كِتفْ عَ كِتفْ
نِسْنِدِ بْلادْنا ونِحْمِي حبَابَا
يمّا إذا ما رْجعتْ ، غنّي
"إبني راحْ ولعيونْ فلسطينْ وترابا
يا عينْ ما تدمعي هذا بَطَلْ
هذا صقرْ بِرَاسِ الْجَبَلْ
صانِ الْقدسْ وقبّلِ عْتابا
يمّا ما تِحْزَني، إلبسي أبيضْ
ومَلّي الدِّني فَرَحْ
نحْنا ملايكي والسَما إلنا مَطْرَحْ"
*****
الأمّ:
" بَكّيرْ يمّا تْروحْ
وتِتْرِكْ قَلِبْ مجروحْ
يمّا ، على غْيَابَكْ
ما عادْ في روحْ
يمّا على مْصَابَكْ
أنا مذبوحْ
يمّا ما توصِّيني
أنا بِصْبرْ وعُطْرِ النَّاصره بيقوّيني
وزَنْبَقِ الخليلْ بيمشي بْشراييني
يمّا ما تْوَصِّيني
لَيمونِ الْبَصَّهْ وبَيّارةْ سِيدِي
وزَيْتُونّا الأخْضَرْ مِتِلْ ثَوْبَكِ الأَخْضَرْ
بِيلْبَقْلَكْ يا عيوني
جودات جفال
" لكعيون فلسطين " ١٠ - ١٠ - ٢٠٢٣
ليست هناك تعليقات:
إرسال تعليق