دكان الهوى
*********
يادكان الهوى عندك إيه النهارده
عشان اشتريه
عندى قلب اخضر فى الهوى غلبان
مين يحتويه
عايزة قلب تانى يكون زيي مجروح
يلاقينى ولاقيه
من حنانه شاف الأسى ومن طيبة
قلبه قسو عليه
سواح فى بحر الألم وحزنه كبير
بالضحكة يدرايه
ويكون شب اسمر ملامحه كلها
تبان فى عينيه
وكف إيده خشن من قطف الورود
للحبيب يهديه
وانا والياسمين صحبة حواليه ومن
ريحته نداويه
يمكن يفوق من وجع قلبه وينسي
اللى نسيه
أنا طبيب قلبه الاخضر وفى حضن
قلبى احتويه
واجيب من السما نجمة ويا القمر
تنور لياليه
ورجع الضحكة الصافية وصدق
إحساسي يواسيه
يمكن وأنا بداويه يطيب قلبى
بفرحتى بيه
يادكان الهوى هات كل اللى عندك
يمكن ألاقيه
هنا وسط البشر فى نور الشمس
اسكن أراضيه
ماهو لازم على بعضنا نقع ...
وننسي مع بعض الوجع ....
مين يبيع لى عمره وأنا اشتريه
من ديوانى
بقلمى ✍️ ايمان جمعة 🦋💙
ليست هناك تعليقات:
إرسال تعليق