((حلمت بعز أتفسر طز))
//////////////////////////////////////////
حاجه تعمللي أفلام
كرامه ل الله يامسؤول
من جوعي بهلوس بكلام
بتقللي لامو معقول
يا عمي بالعز أحلام
وبالفرحه قوم صول وجول
قلتلو ع وعدك أيام
وانا بحلم بصحن الفول
(مع عيلتي بناكل معقول)
//////////////////////////////////////////
ولالقمه بتدخل جوفي
وببطني مسلطن هالجوع
وبالطين وزفت ظروفي
وبهمي وويلي مصروع
مسؤول يوعد مابيوفي
أبوح بإسمو ممنوع
وياجراح الفيني ماتشفي
ينقص لساني لو أقول
(وجلدي ينشد طبول)
//////////////////////////////////////////
ويقولوا شوي أتهدى
متهدي صارلي شويات
أتفطر آه أتغدا
وأتعشا هالغنيات
هي بلدك لازم تودا
عم أودا لكن هيهات
تتركني وماتتعدا
وترميني بهمي على طول
(فلتان عزمي مشلول)
//////////////////////////////////////////
تبسمللي وقللي قوم
يا حبيبي أستقبل العز
صار يصرخ ويقول محروم
جايبلك ما طاب ويلز
رح أعيشك بالخمس نجوم
بووستو قام قللي طز
بتسلا فيك يامنظوم
وتركني ودموعي سيول
(بتلمط بكلام معسول)
//////////////////////////////////////////
شعر ؛ d.. نذيردهان
ليست هناك تعليقات:
إرسال تعليق