أمي..أمي
جلال محمد
مصر.. كفرالشيخ
وحدها..كيان
بيجري ف دمي
أمي..
كلامها كان
بيزيل همي
كنت عاوزها
دايماً جنبي
بس حكم القدر
بِعدهاعني
دا أنا لوهكتب
فيكي
هحتاج كلام
ياما
وحُبك ف قلبي
مش محتاج
علامه
وكلام إيه يوصفك
ويحكي اللي ف
قلبي
دا إنتي إتحملتي
كتير ملامه
دا أنا ياما إتمنيت
ليكي طريق السلامه
دا أناياما إتعلمت
منك
الجدعنه والشهامه
ويعلم ربي حُبي
ليكى قد إيه
ولودواوين العالم
متكفيش وصفك
فيه
ومهما مين دخلت
قلبي
حُبك إنتى شئ
أساسي فيه
وعُمري كله مش
هيكفي
واللي كنتى بتعمليه
عشاني..
سامحيني....مش
قادر أوصف ليكي
إللي قلبي عشانك
مداريه
وأنا لوهوصفك
هقول قمري
وشمسي
دفايا وضِلى
ولوسألوني عنك
هاقول .....
أمي ..حُبي
أمي..حُبي
.....................
مساء الأربعاء
2024/2/28
ليست هناك تعليقات:
إرسال تعليق