بيت زمان
هات لي بيتنا واءتناسه
هات لي بيتنا هات لي ناسه
اللي حضنوا..واللي باسوا
فينا واحنا صغيرين..
لما بنكون تعبانين..
هات لي بيت عشرة سنين
البيوت كان ليها ريحه
البيوت كان فيها حب
البيوت كانت مريحه
كان عمودها اب صلب
عاشها ناس صادقه وصريحة
كان قلوبهم اصفي قلب
كنا اطفال في البدايه
كل يوم نسمع حكايه
من جدودنا الطيبين..
راحو فين..واحنا فين..
البيوت عاش فيها ناس
كان كلامهم بالمقاس
والقلوب لؤلؤ وماس
زى ناسها حنبنين..
كان ابويا امام يصلي..
يقرأ القرآن تمللي
يدعي واحنا نقول امين
فين عيونه الطيبين..؟
راح ابويا..وراحت امي
سبت بيتنا..سكنت همي
بيتنا اللي كان براح..
استريح م الجراح..
هو بيتنا..بتاع زمان.
....... ...
شعر/نصر سيد بدر
ليست هناك تعليقات:
إرسال تعليق