لساك ياوطن
كلمة الحق معدومه
والأيادى لساها مرعوشة
فين صوتك راح
وفين كلمتك
وفين قرارك
لسه العنين مزغلله
من كتر الصور
ولا الصور لساها مش واضحة
ياوطن
الصور زى عين الشمس
واضحة
والحرب دايره كل يوم
وخيام فى عز الليل تتحرق
والناس م الجوعة والعطش
زى الفسيخة نايمة م الألم
والجتت على الأرض متبعزئه
لساك ياوطن مش سامع
ولا شايف
ولا الضمير فيك
لساه م الخجل نايم
والخرس ملجم لسانك
اصحى ياوطن من غفلتك
دا الدور عليك بكره جى
وأنت ياوطن نايم فى العسل
.......
اللهم انصر غزة وفلسطين
نصرا مبينا
المخرج / جمال مهران
ليست هناك تعليقات:
إرسال تعليق