بقلمي الشاعره/حنان عيد حسن
......خــاننى قلمي........
خاني قلمي بعد ما باح بااسراري
وكتب كلمتين عني
وضح كل ما في بالي
قال ومش علي لساني
إن هاحب يوم تاني
وانا والحب مابينا طريق ...ولا ضواحي
بيني بينه سد منيع اسمه خلاص بقي خالي
وانكتب لي وليك ياقلبي ان الغرام اسي
لاهنقدر علي الهجر ولا الحرمان من تاني
ولا عايزين نعيش في عذاب اهوه غاب اوجاني
لا ياقلم هاتبوح ولا تفضح في أسراري
ليه ياقلم بتخون انا حبيتك في كلماتي
وباخدك كل ماجي أو اروح بين كفي
ليه ياقلم ببوحي كاتبني
ليه تعلي النبض بعد القلب ماسامحني
ليه تخلي الدق دقاته بتزعجني
كنت ياقلم مرتاح مسا وصباح وبغني
صباح الفل علي المرتاح ولا بعاني ولا بشكي
ويومي يعدي وبيجري
لا شوق ولا عشق ولا اهات جوه الوريد تجري
خاني قلمي بعد ما باح باأسراري
وصحي اللي كان نعسان ومش داري
خلاص ياقلم مش قابل معاك اعذار ولا كفي
يرجع تاني ياامنلك ولا يدي
هتحضن تاني اوجاعك ولا ها دفيى
سنك اللي كان غالي
مدام خنت نوح قلبي
وسفنتي في بحرى بتعاني
وبوحت كمان بااسراري
لا انا قد الشوق ولا الهجر ولا قلبي يكون جاني
خــــاننـــــى
خــــاننـــــى
بقلمي الشاعره/ حنان عيد حسن
ليست هناك تعليقات:
إرسال تعليق