تفاءلوا
ليه لما بقول إرسم ورده
بلاقيها دايما دبلانه
وأما بترسم مره الضحكه
برضو بشوفها كمان بهتانه
ليه مارسمش قلوب بتحب
وارسم قلب بيحضن قلب
مش إيد بتفارق. إيد
ليه البيت خليته بعيد
إرسم بيت مليان بالفرحه
حوالين منه جناين طارحه
إرسم أول حب تقابله
بين عشاق بالصدفه إتقابلو
وارسم طفل بضحكه بريئه
وابعد ع اللي تخلي حياتنا كئيبه
إرسم باب مفتوح ع الآخر
وارسم قلب بحبه إتفاخر
وارسم شلة ناس حلوين
حافظه العهد بقالها سنين
وارسم عمر لسه بينبض بالإحساس
وارسم بسمه ف وش الناس
وارسم فرحه تلم العيله
غنا وحكا ي وصوت هليله
خلي الفرحه علينا تهل
إرسم حلم إرسم فكره
إرسم جيل مستنى. لبكره
إرسم نفسك وانت بتجري
عايز تحضن. حد مسافر
اهمس له ف ودنه وقول له
راح ترجع بلدك في الآخر
سيد الحلواني
ليست هناك تعليقات:
إرسال تعليق