قلبي يبات مجروح
والله فين ما أروح
جرحك مافارقني ثواني
............................
وحياتك أنت دبحت
ياريتك كنت جرحت
ياريتك كنت نجحت
ترجعنى وحداني
........................
عايش عمري أهواك
روحي وقلبي معاك
وتطلب منى أنساك
والله أنت أناني
.........................
عايش عمري عشانك
وقلبي حبك وصانك
ونن العين مكانك
فين ياحبيبي مكاني
.........................
وإزاي عليك أهون
وشفايفك والعيون
هما حياتى والكون
وأنت كل كياني
.......................
إزاي تطلب وداعي
مين يداوي أوجاعي
والله ما أنت واعي
إنك روحي ووجداني
.........................
أعيش لمين بعدك
وأنا هنايا فى سعدك
نسيت أوام وعدك
وألا نويت تنساني
......................
ليه غاوي هموم
كل ساعةوكل يوم
والله نسيت النوم
بعد ماجرحك كواني
........................
وليه غاوي آسية
وعينيك كلها حنية
كفاية جرح فيا
عمايلك مجنناني
.............................
بقلم / عزمي عيد بدير
ليست هناك تعليقات:
إرسال تعليق