أيوب
حبك ده بحر جميل
أمواجه وخدانى..
مش كلمه انا قلتها
حرفين علي لسانى
موال وليل وياعين
حرك لي اشجانى
.... ........
وحياة جمال النخيل
والخضره والميه...
والضى في القناديل
فارش الزراعيه...
والأه فى المووايل
وحمام بلا غيه..
سهر الشباب والبنات
وكلام ملاغيه...
وفى الليالى الطوال
عشقك سكن فيا
....... ......
عاشقك انا..
وانت اللى ناسيانى
وحدى انا..
سارح في اشجانى
ليه عن عيونك اتوب
وأرجع لهم تانى؟؟
نفسى الحنين ليك
انساه.. وينسانى
ده مش انت ناعسه
ولكنى انا أيوب.. ووحدانى.
......... ........
شعر/نصر سيد بدر القاهره
@إشارة @الجميع
ليست هناك تعليقات:
إرسال تعليق