تخاطر الارواح
قمر طالع فى كل صباح
بيشفى فى قلبى اى جراح
حاولت اتقل عليها كتير
ولكن الهوى فضاح
ياساكنه ف كل شرايينى
ونور ساطع على جبينى
ده حبك عشق كله سماح
وروحك ساكنه جوايا
ياصاحبة احلى ضحكايه
ولو قلبك محيط هادر
انا قلبى يكون ملاح
ساعات تفكيرنا يتلاقى
على قلوبنا اللى مُشتاقه
وامشى فى المدن سواح
فى قلبى دُنيا م الافراح
ولو حُسادى سألونى
اقول ده تخاطر الارواح
شعر أحمد اسماعيل / شاعر العرب
ليست هناك تعليقات:
إرسال تعليق