قصيدة بعنوان
( طظ فى كلام الناس )
طظ في كل كلام الناس
آسف جدا مش حاهتم
مش هايشيلوا معايا الهم
عمر كلامهم ما يكون ماس
كل كلامهم كسر إزااااااااااز
لما الدمعة من العين تنزل
عمر إيديهم ما هاتمسحها
أنامش هاقدر أرضى الكل
وقلوبهم مش كلها ورد وفل
اللى يبص كتير للناس يتعب
تحت اقدامهم راح ينداس
طظ ف كل كلام الناس
مش هارضى غير رب الناس
أوعى تجيب لى تانى سيرتهم
مش ممكن أعيش تحت رايتهم
مش راح أضيع عمري عشانهم
وقت الشدة حيبقوا ف حالهم
أنا راح أعيش مع نفسي لنفسي
راح أرسم أحلامي بريشتي
أنا راح أقابل ربى لوحدى
وقت ساعتها ما هيكونوا جنبي
ولا يتحاسبوا معايا على ذنبي
طظ ف كل كلام الناس ( طز )
من ديوان الألم والعذاب
للشاعر د/ أشرف أبو عجينة
ليست هناك تعليقات:
إرسال تعليق