من حكايا الليل
كيفَك
كيفَك وكيفن خصل شعراتك
يلّي علينا كنت تتجنّى
شعْلت بقلبي النار وحياتك
من يوم غبت ورحت من عنّا
كيفن عيونك كيف غمزاتك
كيف العتم هالفيهن تهنّى
كيف الحجل بغصون جنّاتك
تايلوف صوبي بعد بستنّى
هيكي طواها الروح غيباتك
وما كنت يوم البعد اتمنّى
مشتاق بذكر وهج عجقاتك
ويوم التلاقي فيه بتكنّى
بعدن بطعم الشهد دبقاتك
وعصفورك من زمان ما غنّى
عجّل تعى تاتشوف رزقاتك
وينزاح عنّي تموت عنّاتك
وبدمع عيني مساح وتحنّى
بقلمي
نسيم ح حنا
ليست هناك تعليقات:
إرسال تعليق