الدنيا فانيه
الدنيا فانيه واحنا فيها ضيوف
طفنا من شرقها لغربها ديما
في قلوبنا خوف
غداره وماليها امان
ما تنصف الضعيف وبتيجي
علي الغلبان
والناس فيها نوعين
ناس واخده حقها مره واتنين
وناس ديما مظلومه والدمع
مالي العين
ومحدش فيها راضي بنصيبه
مهما سهم الحق يصيبه
الغني طمعان في المزيد
والفقير حاله عدم يدوب
علي اد الايد
ومحدش داري ولا حاسس
بالتاني
كل واحد بيمني نفسه بالاماني
وبيبص علي الي في ايد الغير
مش راضي بنصيبه ناسي ان ربنا بيرزق حتي الطير
ولي حكمه في خلقه كمان
خلق الغني والفقير في نفس
المكان
وعمل بين الناس حدود
ياريت ليها تاني نعود
خلقنا لنكمل بعضينا
ونتحد والخير يعم علينا
والغني يدي للاجير حقه
قبل ما يجف حتي عرقه
ذي مواصانا رسولنا الكريم
ده ملك منظمه رب العالمين
وامرنا نزكي ونطلع الصدقات
كمان
ونكفي المحتاجين في كل مكان
لو عملنا كده محدش هيبقي
محتاج
والقلوب تصفي والغل والحقد
هنقول خلاص مات
بقلم د/اشرف الحسيني
ليست هناك تعليقات:
إرسال تعليق