يا ظالم الناس
××××××××××
يا ظالم الناس مفيش في الدنيا ذرة أمن ولا أمان
عمر ظلمك...................... ما حيعدي كده والسلام
حيجيلك يوم .......................حتدفع فيه الثمن
من غير لت........................ ولا عجن ولا أي كلام
وتسدد ديونك.............. ويشوفوا غدرك كل الأنام
لو مكنتش قد الظلم...... كنت ليه بتعمله يا ألعبان
خلي بالك ...........ما تظلمش حد عشان
يمكن هيتردلك .......سلف ودين بالملّي وبالميزان
اِوعاك تنسى إن ربك يمهل ولا يهمل كل ظالم بالعدوان
ويمدله في حبل الظلم عشان يخنق نفسه كمان وكمان
فاُرجع لربك واُستغفر واُمش بطريق العدل والإيمان
دي الدنيا فانية والكفن ملوش جيوب واُنت فيه عريان
فاِوعاك تظلم نفسك ...............فيها أو أي إنسان
(بقلمي)
أديب وشاعر مهندس/محمد عوض
29/1/2025
ليست هناك تعليقات:
إرسال تعليق