لبنان يا بلد المليان دموع
لح ابعتلك مع كل شروق
لفحة محبة وشوق تمسح حزن القلوب
وبالغروب وشاح من السعادة
مرمي ع كل الغصون
لبنان يا قوس القزح الخلقت
ع أرضك كل الألوان
لونك بلون السلام ع مر الزمان
غطسوك بالوحل ولوثوا المكان
لكنْ بيضل ترابك يحمل كل العنفوان
عم ادعي لربي يبلسم هالجروح
ويبدلها بضوعة الطيوب
يا ريت كل الفصول تحمل معها
بس عطر الزهور مثلك يا هل الوطن
جمال إسمك برِيق أمل وشمعة
عم تسطع فوق هالهموم
بقلمي ريما خالد حلواني
ليست هناك تعليقات:
إرسال تعليق