برود المشاعر
**********
بقلمي✍️السيد عطاالله
الأحاسيس نابعة من الروح
لو باردة تملا القلب بالجروح
إللي يحب و يداري مفضوح
حرارة مشاعره تذوب الجليد
إللي يحب واحد قلبه فاصل
بينه وبين الاحساس فواصل
مهما تتألم تصرخ مش واصل
بدون حرارة ما أقسى الحديد
إزاي يعيش حبيب بدم بارد
حقيقته قزم عمل فيها مارد
من الحب قلبه متهرب شارد
عيشته على الدنيا حرام أكيد
عين عميت قلب مش شايف
زي البخيل على المال خايف
لو يقول بحب إحساس زايف
لو يبعد عن طريقك يوم عيد
كلمات السيد عطاالله.
ليست هناك تعليقات:
إرسال تعليق