كوني لقلبي زي مسكن
أعيش معاه وكأنه مرتع
أو كوني ليَّ زي تمثال
أشوفه مرة ومنّه أشبع
كوني كرمز لأي ذكرى
أفتكرها لو يوم ح ينفع
كوني ليَّ كحاجة حلوة
كل م أطلبها تاني ترجع
مش باقي لي منِك غير ذكريات
والحب إللي كان ما بينّا مات
حتى لو ما فاضلش منه إلا الآهات
أنا راضي برضو ساعات بتنفع أمنيات
ياللي حبك كان مني حقيقي
ليه دفنتيه من سكات ؟!
كان منوّر لي طريقي
ليه جعلتيه ولّى ومات ؟!!!
دانتي لسة زي مانتي ؟!
ياللي رحتي بعيد سكنتي
ح تغيّري فيَّ طبيعتي
ولَّا رح انول المراد ؟!!!
نِفس عيني تاني تلقاني فى لحظة
ولَّا صوتِك أسمعه لو حتّى همسة
ليه إتحرمنا وإفتكرتي الحب مات ؟!
لسه سامع دق قلبِك وبنفس الصفات
لو أهون يا شيخة بس حرام عليكي
هوَّ ذنبي إني مرة وثقت فيكي ؟!!
طب فكّريني و بعتاب لو لسة بيكي
بـأي أسـوة كـات غلـط مـنّي إليـكي
ح استنى منِك كلمتين بس تقوليهم
تعــالى نرجـع للمحـبة و الحـنان
ونرّجع الماضي الجميل وشربنا منه
و إشرطي عليَّ فيك وعليكي الأمان
رح أسـامح و أنــا قلــبي شــارح
حتلاقي جوّايا بكرة منتظرك كمان
و معانا برضو كل جميل م الزمان
و رح أنسى منِك أي أسوة يا أمان
...........................................
المهندسين في ٣٠ /١ / ٢٠٢٥م
" تعالي لي تاني "
شــــــعـر : هشــام عـــلي
...........................................
ليست هناك تعليقات:
إرسال تعليق