من كلمات. عـــــــــــــــــــــــادل داود
يــــــــــــــــــــــــــــــــــــــــــــــــارب
يارب يارب من همى وآلامى عدينى. خوفى جوايا مالينى
غدرت دنيتى سرقت فرحتى خذلتنى كل أيامى وسنينى
شوفت اللى ماحدش شافه الحزن بكل أوصافه بيكوينى
المكتوبلى هشوفه بقسوته بخوفه عايز رحمتك تنجينى
يارب.... ـــــــــــــــــــــــــــــــــــــــــ
البشر فاتونى سابونى خذلونى مفيش فاتحلى غير بابك
وانا عارف وشايف إن ديما رحمتك سابقه لنار... عذابك
انا عبدك الضعيف اللى بيخاف منك ديما و......... بيهابك
انا عبدك البسيط اللى ديما يرجوك بحق مُحمد...وكتابك
انا ليك طايع ولأوامر سامع وبخشى يحل بيا.... عقابك
يارب.. ــــــــــــــــــــــــــــــــــــــــــ
ومين غيرك أشكيله همى أنت عارفه وشايفه بكل تفاصيله
ومين غيرك أبكيله من عذاب دنيتى وسجن الزمن وتكبيله
انا للسقوط آيل بينى وبين الفرح حايل همى مفيش مثيله
للهم شايل ولو شاله الجبل لكان مايل قدرى ومفيش بديله
وبصبر ومع الصبر جبر وبعيش مع القرآن وجمال ترتيله
يارب. ـــــــــــــــــــــــــــــــــــــــــــــــــــ
بحق نبيك المصطفى المختار أُنصرنى على مين..... يعادينى
من هم الدنيا نجينى وإن مرضت مين غيرك........ هيشفينى
تجاوز يارب عن تقصيرى وعاملنى برحمتك وثبت لى دينى
سخر لى عبادك الصالحين يامْن روح فى.نفسى...... تكوينى
شعـــــــــــــــــــــــــــــــــــــــــــــــــر
عــــــــــــــــــــــــــــــــــــادل داود..
ليست هناك تعليقات:
إرسال تعليق