عاشقة الخيال
احساسى بسعادتى معاك
انام واحلم وانا بهواك
ولما تغيب فى يوم عنى
اعيش اللحظه فى ذكراك
انا عاشقه خيال طيفك
بشوف الورد والنرجس
بيتراقص على كيفك
احس بروحى مخطوفه
كأنى ورده ملهوفه
بتتحايل على الساقى
يطفى النار فى اشواقى
اهيم فى الدنيا مهمومه
وصرخه ف قلبى مكتومه
فى احلامى بكون وياك
ولو همشى على الاشواك
وراضيه بأنى مظلومه
وانتظرك من الشباك
واسهر لك عشان بهواك
جمالك مضرب الامثال
بتسقينى غزل ودلال
ده انا روحى وقلبى فداك
دى قصة عشق ولا خيال
شعر احمد اسماعيل / شاعر العرب
ليست هناك تعليقات:
إرسال تعليق