لما بتزعل.
هو ليه لما بتزعل دنيتي بتهد فيّه
والحظ بردوا بيعاندني ويبتدي يرزل عليّه
حتي نفسي ما بين ضلوعي بتبقي لا مش هيّه هيّه
حتي الشمس بتبقي بارده والنجوم بتبقي شارده
والهموم بتبقي جامده
كانهم اتقفوا علّيه
هو ليه لما بتزعل دنيتي بتهد فيّه
الحنان بيسيب حياتي والزعل اكتر حالاتي والهموم بتبات ليلاتي تحسب الدمع في عنيّه
هوليه لما بتزعل دنيتي بتهد فيّه
الحياه بتقي زي ليل غميق وانا من غيرك في بحر الكون غريق وحيد وتايه لاسكن ولا صديق
ولافي دليل ولا حتي نور في اخر الطريق
وكل شئ بيروح جماله لو الزعل يطول شويّه
هو ليه لما بتزعل دنيتي بتقسى عليّه
الهموم بتبات تجرح
والفرح مبقاش يفرح والوجع واقف بيشرح العذاب اللي بيّه هو ليه لما بتزعل دنيتي بتضيق عليّه
انت عارف انت ايه انت نور اتهادى بيه
انت حضن اتحامى فيه انت حلم بعيش عليه انت عشقي ونور عنيّه
قولي ليه بتزعل دنيتي بتغضب عليّه
والاسى بيشد حيله
والعذاب يتسلى بيّه
والقلوب تصبح حجاره اتنزع منها الحنّيه
هو ليه لما بتزعل دنيتي بتهد فيّه
ابوسعد
شريف محمود
ليست هناك تعليقات:
إرسال تعليق