أمسيات الحسن.
( أيام وبتعدى ) . 13/ 7/ 2025
بقلم الشاعر:حسن حلمى
وليه بدرى
يعدى العمر راح يجرى
دانا لسه يا يدوب الدنيا
تضحكلي
أخاف من الضحكة يوم
تجرى
وتكشفلي بوش يكون بلون
الليل يخوفني
أقابل ضل مش ضلي
وأشوف النجمة تسهرلي
تقول مالك
أقول الصبر فاض مني
وبسرح فى جمال الكون
ومش لاقى حنين اليد
يحضني
ولا لاقى عيون تسهر
تطمني
على حالي بوقت الشدة
وتقولي
حبيب غالي
ومش عارف لفين الخطوة
وخداني
بتسبقني لفين الحى
مش عارف
ولا حاسس حيطان البيت
بيوم دافية
وكانك يا سما صافية
وغيمة تعدى فوق البحر
ما توقف
ليعلى الموج ويخطفني
بشط بعيد ويحدفني
وكاني
مالي أهل وحيد
وبعد العيد يعدى العيد
ولساها
دى دنيتنا ما ضحكتلي
ولساني
بشوف العمر يوم يجرى
وضحكتنا
ماليها الشوق وتتمنى
تشوفك
يوم بتتمنى نمد الأيد
نقول سمى
لتتبسم عيونك سود
وتضحكلي
ساعتها الوقت بيوقف
وعمر الساعة ما تعدى
يطول عمرى
وأقول بدرى
دا لساها السما صافية
ولمسة يدى يوم دافية
وشعرك ليل
مسهرني
بنسمة يعدى عطرني
ومستني
أخاف للعمر يوم يجرى
بقلم الشاعر: حسن حلمى
ليست هناك تعليقات:
إرسال تعليق