سعداته اللي فاز بقلبها
Said Alajdi El Idrissi
راها فاتنة، قرطاسة، يا لالة
ما كاين ابحالها في دربنا
و لا في جهة البيضاء او طنجة
ولا في جهة سوس ماسة
او جهة الصحراء المغربية
جذورها وأصولها عروبية
بضواحي دكالة الهلالية
انا في زينها ما نقدر نوصفها
ما العبارات و القصايد تكافيها
بيضة أصيلية و خمرية فلسطينية
كنذوب فيها و في ذباذيبها
نعوم و نغوص في بحرها اللجي
وأهيم بشواطيء بحورها
وشعر كأنه الليل مظلم روحاني
تداعبه نسمة حب ترضيها
يمشي بعيد ياخذني معاها
وانا عاشق لياليها السندسية
ولا جيت نوصف شفايفها
تبارك ربي اللي مصاوبها
كيف العنقود لحمر
بأوصافه المسترسلة
ورسماته وحالتها ليها
و راها روعة شفايفها
سعداته اللي فاز بقلبها
وخفة دمها ما يضاهيها حد
تقول غير شجرة كنسقيها
بعسل النحل أو سكر فرولي
و راها كيف التمرة المهدية
خفيفة الظل و اللي
يهملها، مضرور و مذغول
و من الجنة و حورياتها
عمرو ينول او يشعشع
كتخلي كثير من البشر سكران
بحرف اوكلمة تقولها
وانا سكران حزين ولهان بها
كون غير ماجيت نواحيها
ياريتني مت من بكري
وخدت من الناس العزو
بجد انا حزين و عذابي مشين
و شكون، يا الناس
لروحي يداويها و يعافيها
ما تليتش قادر نخبي الشوق
ولاني قادر نبوح ليها
ولاني قادر نذوب ونمشي
ولا نبقي العمر فجنبها
ياناس وروني أش ندير
و اشكون يطفي ناري اللهيبة
يارب المنية تريحني
ويسعدها ويهنيها و ينعشها.
بقلم و توقيع و بكل اقتباس
سعيد ألجدي الادريسي
المغرب.
ليست هناك تعليقات:
إرسال تعليق