رسالة الى الجيش المصرى العظيم وقياداته اقول فيها أنا على استعداد لارتداء لبست الجيش المصرى فى اى وقت للدفاع عن أرضنا جنبا إلى جنب مع اولادى واحفادى و
لبست لبس الجيش
كلمات شاعر بني هاشم
الشاعر صبرى عبد الواحد الحسانى
لبست لبس الجيش
وعلى استعداد للحرب
والشيبة ما تمنعنيش
من الهجوم والضرب
بلدى أنا ما اسيبهاش
فى فرح أو فى كرب
احنا رجالك يا مصر
قلوبنا حديد منصب
نعمل اللى علينا
ونقول انصرنا يا رب
انا لبست لبس الجيش
وعلى استعداد للحرب
لا شيبة تمنعنى
ولا جيوش من شرق وغرب
انا مصرى ابن الصعيد
عندينا الموت منحب
الدفاع عن العرض واجب
علشان كده بننحب
أرواحنا على كفوفنا شايلينها
على كده الواحد منينا شب
الموت منينا ينهاب
ويشوفنا ياخد جنب
صوتنا يهز الجبال
وسهامنا فى القلوب تندب
ما يهمناش العدو
من الشرق كان أو من الغرب
احنا رجالك يا مصر
على استعداد دائماً للحرب
انا لبست لبس الجيش
وعلى استعداد للضرب
ما يعوقنيش كبر سنى
انا جندى من الجد والأب
لبست لبس الجيش
من سنين شايله جنب القلب
وبقوله خليك مستعد
هتاجى فى يوم الحرب
ونرجع تانى نتزامل
وانا وانت لينا رب
أما النصر أو الشهادة
انا وانت جنباً لجنب
لبست لبس الجيش
وعلى استعداد للحرب
ليست هناك تعليقات:
إرسال تعليق