يانجمه
يانجمه فى الفضا عاليه
وانا ع الارض مش طايلك
ودقات قلبى متتاليه
ونبض القلب بيحايلك
اشوف طيفك ينادينى
واتغزل مع جدايلك
ولحظات صمت بينا تدور
واتسلق خيوط النور
وكل منايا ؟ اوصلك
أقرب والأمل يكبر
واقول لروحى لو نقدر
ننول بسمه من المحبوب
ساعتها قلبى فيها يدوب
وتدخل قلبى تتمخطر
واشجار الخريف تحلم
يعود ليها الجمال لخضر
طيور الحب فوقنا تحوم
ده انا العاشق وانا المحروم
ومين لدموعى هايقدر
اشوف طيفك فى عز النوم
وقمر الليل ولا يعبر
ياريت ياعمر لينا تدوم
واحبك كل يوم اكتر
ياحلم العمر رحماكى
ماضاع العمر وياكى
نيران العشق عندى تقيد
ودمعى فى الغرام مايفيد
ورغم عذابى // بهواكى
احس بقسوه فى التنهيد
عيون دامعه وعقل شريد
قوليلى ازاى راح انساكى
ومين ينسى حبيب الروح
ونسيانك ده غير مسموح
ياقمره فى الفضا عاليه
ياروح القلب ياغاليه
شعر أحمد اسماعيل / شاعر العرب
ليست هناك تعليقات:
إرسال تعليق