لما جاتني المعاني
قالتلي ارسمني
وياريت تبيين جمالي
هارسمك بس خايف بعدها
علييا تتعالي
هازوقك انا بس توعديني
وتقولي اني انا اللي كاتب الغني
وانتي لما جيتيني قولتيلي
عطشانه وشربتك انا من نيلي
وهابيين فيكي اجمل حنيني
وهاخللي العاشقين يمسكولك
ورد جميل
ولابسين تيجان بألوان كتير
مش موجود منها
واللي يشبه شكلها نجوم متغاظه
ونارها بتقيد
ومين اللي زؤقها وبيين جمالها
واكنها بكره عندها عيد
وتيجان بالورد مبهوره بجمال
المعاني اللي بتيجي في المواعيد
وحياتك يا معاني لاهاخليكي
ترجعي الزمن الجميل من تاني
وتبقي أغاني
والقلوب فيكي من تاني تدوب
وتبان ويطلع
منها اجمل مشاعر عندها
وتشوف ساعتها نفسها
وانتي مزوقاها من راسها
لضوفر رجلها
وهاترجعي تنوري في العيون
وتدوري
ولما انتي تنوري يتلمو عليكي
من تاني ويفضلو عايشين
هنا في بستاني
كلمات شاعر الزمن الجميل
الشاعر محمد السيد الفنان
29/7/2025
ليست هناك تعليقات:
إرسال تعليق