أحلى الكلام
.....
ياللي معداش ساعه ف بعدك
خايف م الكام ساعه الجايه
يمكن مره تزوري منامي
وتقسي ف احلام ليلي عليه
مع انك ارحم من روحي
علي روحي وكلك حنيه
بس الشوق دايما لعنيكي
بيزيد وانتي بعيده شويه
.........
عشرة عمري معاكي جميله
قبل مااشوفك كنت انا فين
كنت باقضي سنين من عمري
مش عمر. دكانوا ضايعين
والناس اللي انا عشت معاهم
قالوا ان لبعضنا لايقين
ولما عرفتك وعرفتيني
بقينا ف واحد مش فى اتنين
............
روحي ياعمر الزمن الجي
ياللي ضويتي ف ليلي الضي
بيكي باشوف الايام حلوه
دانا عايش ولاجلك حي
ماسالتش نفسي او افكر
يمكن الاقي لحسنك زي
والمتقدر جاى ومقدر
والمكتوب في العمر اهو جي
...........
سمير الدسوقي
ليست هناك تعليقات:
إرسال تعليق