.......... صبر ايوب ..........
صبرت عليك صبر ايوب
وتحمّل وجلد سيدنا موسى
والعمر جرى بيا للغروب
وإيه أجى فى سيدنا عيسى
ظُلم غاشم كله عيووب
أعمى البصيره كله ذنوب
وعد عشته وعليا مكتوب
وخلانى فى الدنيا ريشه
صبرت عليك لغاية ما مل
ربنا أعطانى الصبر والأمل
وقوانى بالثبات بلا خجل
وهوون عليا لخبطة العيشه
جيت على نفسى كتير
وعقلى تعب من التفكير
وانت فى كل شىء كبير
ولا صعبت عليك فى المعاملة
الصبر فاض وبقى غريق
وقلبى إتملا وجع وهموم
لاء كفاية كده بقا وفووق
ولا مره سألت عليا ف يوم
وخدت قرارى وليا حقوق
والقرار نهائى ومختووم
ومتحاولش معايا أى محاولة
........................................
...... د . حسن الشوان 🇪🇬.......
ليست هناك تعليقات:
إرسال تعليق