يا ريتني
يا ريتني فضلت عيل
ماسك ف عباية أبويا
اجري والعب واتنطط
ويتملي حجري بهدايا
كان كل فكري وهمي
مين اللي يلعب معايا
باصص ع الكل من فوق
مفيش غيري والدنيا ورايا
كل اللي بتمناه بعيشه
خاطف قمري من سمايا
لو ف يوم قلت أه
كل اللي حواليه دوايا
عشت حياتي مدلل
أشاور تتحقق مُنايا
ياريتني فضلت عَيل
ولا أعيش حياتي ف مَنايا
كبرت وشفت الحقيقة
ومفضلش أبويا معايا
عشت ف الدنيا الدنيئة
مركون ف كل الزوايا
يا ريتها فضلت بريئة
موتتني وأخدت عزايا
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق