ياحظ أمتى هتنصفني
........................
ياحظ امتي هتنصفني
وتحن وتاخدني في بالك
ديما ياحظ بعيد عني
ايه اللي غير أحوالك
وناديت عليك علشان تيجي
تبعدني وتسوق في دلالك
دا انا قلبي مابقاش مستحمل
وعشت طول عمري بعاني
وجيت كتير قوي على نفسي
والقلب ياما عاش وحداني
وفاضلي ايه باقي من عمري
ولفين ياسكتي وخداني
ياما جيت عليا كتير ياما
ووعدت انك هتجيلي
وفصلت مستني قدومك
وماجيتش علشان تداويني
ضيعت فرحتي من قلبي
نزلت دمعتي من عيني
وسرقت احلى سنين عمري
ونسيت تفوت واهي بقيالك
ياحظ امتي هتنصفني
وتحن وتاخدني في بالك
ديما ياحظ بعيد عني
ايه اللي غير أحوالك
وناديت عليك علشان تيجي
بتروح وبتسوق في دلالك
..........................
زيدان المرسي
المنصوره ٢٠٢٦
ليست هناك تعليقات:
إرسال تعليق