بحلم
انا الفراغ اللي ساكن قـبل
الصـفر ف بداية المسطـرة
عايش جوه حياتـي منسي
وخطوتـي مهزوزة متهورة
بحلم وحلمي اتحبس جوايا
وأحلامـي تصبـح متـبخرة
دا الفكـرة تنبت ف دماغـي
وتقف ف مكانها متـبلورة
وصـورتي مقلـوبة قدامـي
وتـملـي أعصـابـي متـوترة
تحبل الفكرة ف قصيدتي
وتتـوئد ف ولادة متـعثرة
وكنـت فاكر حياتـي ربيـع
جفت بعد م كات متخضرة
وعكازي وكرسـي المتحرك
شـايليـن أشـلاء متنـخورة
جبال الهموم اللي ف سكتي
واقفة ف مكانها متصدرة
مواني الظلم تِغرق مدينتي
وبحـور أمواجـها متـحررة
ومشاعري باردة كما التلج
واحضـاني رخيـصة مزورة
واصبح ف دنيا المعجزات
واحـكـي حـكاوي مأفـورة
بحلم والحلم نفسه يتحقق
وسـاعتـي دايـما متـأخـرة
كلماتي:
الشاعر: حليم محمود أبوالعيلة
مصر
ليست هناك تعليقات:
إرسال تعليق